史提芬納治惡客拆車

猪拉多纳

適逢國際賽周英冠休息，拿仁轉戰英甲，推介史提芬納治，佢哋作客高車士打平手盤好路！史軍作客演出更勝主場，本季聯賽作客四勝一和，「作客球王」艾堅斯又到表演時間。高軍領隊祖鄧尼蜜月期已過，連負兩仗睇嚟已經冇乜計，主場都難以睇好。（周六晚10時開賽）

史提芬納治領隊加利史密夫，近日話自己班波樣樣都好，只係衰在主場發揮曳，間接稱讚球隊作客犀利。其實又抵佢咁牙擦，史軍本季聯賽作客勝率高達八成，戰績仲好過主場，其中射手艾堅斯五戰有三場「士哥」，可謂信心爆棚。

相反高軍連敗兩仗，似乎已打回原形，而且上季高車士打主場畀史提芬納治炒六個一皮，今次平手盤拿仁當然捧客軍啦！
燦美爾狙擊伊奧維

另一仗高雲地利作客史雲頓，「高地」周中比對手打多一場英錦賽，球員未必及時回氣，史雲頓上次主場輸波，今場可望重返勝軌。至於榜首燦美爾雖有主力射手艾卡普養傷，但主場亦力足擊敗作客三連敗嘅伊奧維，捧主勝。