國體會夠搏客Ｗ靠得住

猪拉多纳

巴甲賽事近期頻頻開快車，球隊能夠長期維持狀態，贏波機會自然相對提高。明早巴甲先上演三場賽事，其中國際體育會將作客包尾大幡戈亞尼恩斯，兩軍近期狀態可說有天壤之別，加上實力上亦有一定距離，剛於周中贏波嘅國體會客場有力再下一城，今仗捧國體會贏波。

（周日清晨5時30分開賽）

國體會現排於積分榜第六位，只落後排第四嘅華斯高5分，球隊仍有機會打入前四位置，爭奪南美自由盃參賽資格，所以戰意毋庸置疑。國體會近期表現亦回復勁旅本色，近六仗取得兩勝四和成績，雖然贏波率略嫌偏低，但當中對手包括前列分子如明尼路和高士路等，能保持不敗已相當不俗。

國體會雖有主力科蘭、李安度達美奧和古拿素，分別因入選國家隊出戰熱身賽及世界盃外圍賽而缺陣，但球隊仍有不少具級數球員在陣，如上仗有波入嘅射手費特和卡辛奴摩利拿，以及後備上陣的達高巴圖，三人今季都取得不少入球。國體會攻擊球員狀態甚佳，面對實力平平嘅戈亞尼恩斯，要取得入球絕非難事。
戈亞尼恩斯錄五連敗

戈亞尼恩斯目前敬陪積分榜末席，球隊深陷降班漩渦，每場賽事都非常重要。不過，戈亞尼恩斯近期表現認真不敢恭維，近五仗賽事全部落敗，縱然早前曾擊敗榜首球隊富明尼斯亦不能盡信。戈亞尼恩斯狀態如此低沉，就算要搶分都恐怕有心無力，球隊主場面對剛於周中贏波嘅國體會，相信難以及時反彈，今仗捧國體會客勝。