渡邊年創富坊

猪拉多纳

項目︰首名入球

推介︰賓艾化（紐卡素）

英超尾場紐卡素大戰曼聯，「紅魔鬼」慢熱後防不穩，對住「喜鵲」有機會先失守。紐卡素攻擊球員眾多，揀邊個好呢？法國快翼賓艾化隻左腳好鬼犀利，呢位仁兄慣性喺右邊做側擊，扣埋中間左腳射門極具威脅，由於曼聯左閘艾拉成日谷前助攻，預期賓艾化有唔少空間發揮，有機會成為今場首個士哥拿！（有線300及200台周日晚11時直播）
項目︰總入球

推介︰格羅寧根5、6球

荷甲格羅寧根主場鬥飛燕諾，格羅寧根季初成績唔理想，不過佢哋今季三場敗仗對手分別係目前排聯賽榜三甲嘅川迪、維迪斯及燕豪芬，隨着近期賽程較易應付，格軍連盃賽在內三連勝兼攻入七球。飛燕諾上周大勝奈梅亨五比一，過去六次有兩次總入球「6」及一次「5」，今場可兼投兩瓣。（周日晚8時30分開賽）
項目︰波膽

推介︰莫迪4:0

挪超榜首史卓加斯特周五失分，跟隨其後嘅莫迪同洛辛堡必定想全取三分做「一哥」，當中莫迪主場對辛尼斯可留意大波膽，推介「4:0」畀大家。辛尼斯作客五連敗，鋪鋪輸到大大鑊，莫迪要搶冠除咗要攞足三分，亦要入多幾粒，到最後計得失球都着數啲嘛！

（周一凌晨零時開賽）
項目︰第一隊入球

推介︰FC達拉斯

美職芝華士主場對FC達拉斯，主隊近期表現慘不忍睹，近七仗未嘗一勝之餘更只攻入一球，FC達拉斯現時排於西岸第六，落後第五位的白帽5分但少踢一場，仍有機會趕上季後賽尾班車。FC達拉斯近八仗錄得四勝三和只嘗一敗，今仗FC達拉斯第一隊入球有1.6倍，值得支持。（周一早上7時開賽）
項目︰半場大細

推介︰比斯特細

法甲比斯特主場對波爾多，前者今季踢了八場賽事有五場開大。不過通常下半場先會出現大量入球，在這八場賽事有六仗上半場都係開細盤。波爾多剛於歐霸盃作客0比3慘負於英超紐卡素，今季進行的十一場賽事中有八場都係開半場細，可見這支球隊同樣係上半場謀定而後動。兩支今季經常開半場細的球隊碰頭，半場細盤值得支持。（周日晚8時開賽）
項目︰單雙

推介︰科英布拉大學雙

葡超科英布拉大學主場對甘馬雷斯，大家都知葡超經常開和波，特別是科英布拉大學，五場聯賽四次和，而這四場和局亦令到「科大」成為葡超其中一支聯賽開「雙」比率達百分百球隊。其實除開咧前嘅葡超盃，「科大」無論在葡超、歐霸盃及葡聯盃都係開「雙」，今場再追。（周一凌晨1時30分開賽）
項目︰半場主客和

推介︰西雅圖海灣者半場勝

美職西雅圖海灣者主場對波特蘭伐木者，今季波特蘭伐木者聯賽作客未贏過，今場對面對西雅圖海灣者好自然會處於弱勢。再講，波特蘭伐木者已經有多場未取勝，狀態同樣偏弱，西雅圖海灣者應會把握着主場優勢，一開波就主動向波特蘭伐木者進逼。預料主隊可於比賽頭四十五鐘取得領先優勢，今場可捧「半場主勝」（周一早上9時開賽）
項目︰半全場

推介︰烏德勒支客客

荷甲阿積士主場迎戰烏德勒支，阿積士上月尾曾在荷蘭盃第二圈淘汰對手，不過呢支上季冠軍近年喺聯賽遇上烏德勒支都冇運行，過去四次交手無論主場、作客竟然全部落敗，球隊上周中剛於歐聯主場以一比四大敗於皇馬腳下，體力、士氣隨時受影響，今次遇剋星都咪話唔頭痕。烏德勒支除咗有往績支持，今季亦贏過燕豪芬，堪稱遇強愈強，再次締造爆冷戰果唔出奇。兩軍近六次交手從未試過打和，其中有五次贏波一方都係由頭贏到尾，開出「半勝全勝」，信客軍的話不妨博17倍「客客」，夠晒和味。（now 639周日晚6時30分直播）