修咸頓提款機撳大錢

猪拉多纳

每個菠菜人士都應該搵定幾支銀行隊隨時提款，英超今季有隊另類銀行隊，升班馬修咸頓攻強守弱，短短幾周聯賽過後已成大盤客愛隊，今輪主場對富咸又會繼續大踢性感足球，大盤值得捧場。

（有線300及200台周日晚8時30分直播）
博畢爾包主場反彈

修咸頓升班後踢過六場聯賽，實力基本上畀人睇清睇楚，呢隊波前線人腳唔錯，對住曼聯同曼城等勁旅一樣有本錢入波，攻力有英超水平。不過，佢哋防線級數低，開季場場聯賽都有失波，班守將明顯踢唔掂英超，大軍攻強守弱，戰績唔好，但勝在得、失球都多，踢落充滿娛樂性，咪玩盤喇，簡單追大盤啦！

同日西甲球隊畢爾包主場對奧沙辛拿，畢爾包今季喺聯賽同歐洲賽表現唔好，球隊內部明顯有問題，不過，佢哋班兵始終有級數，返到主場對住客場蟲奧沙辛拿係時候贏波反彈，值得留意。

另外，利雲特打歐霸盃唔多肉緊，擺明留番聯賽搏殺，今日西甲早場喺打吡戰主場對華倫西亞實去盡，受讓盤口有利，絕對捧得過！