基維辛迪「讓客」有望

猪拉多纳

今晚葡超有士砵亭主場迎戰基維辛迪，主隊雖然係傳統勁旅，但開季3場不勝兼陷入球荒，對住硬淨嘅基維辛迪未有必咩着數，小妹決定冷敲2.75倍「讓球客勝」。

（有線155周二凌晨3:15直播）
士砵亭3場聯賽入得1粒

士砵亭開咧3場波居然未贏過，而且只係入過1球，球迷梗係失望啦！雖然王牌射手雲禾夫斯雲高近3場波入咗3球，似乎有啲起色，可惜最大問題係中場對佢唔夠支援，下下靠佢單打獨鬥可以頂幾多場吖？教練沙賓度經過開季劣績後，亦都飽受壓力，葡萄牙《紀錄報》更指呢場波好可能會影響佢喺球會嘅將來，小妹真係擔心再係咁落去，佢呢個位會坐唔耐。

基維辛迪至今聯賽同盃賽2場作客都和波收場，雖然撞正士砵亭嘅「黑暗時期」，但教練保羅艾維斯都唔敢輕敵，喺賽前記招放料話會着重死球戰術，仲話希望全取3分，小妹唔敢講基維辛迪實贏到，但都睇好佢哋搶分得手。