黑池「主勝」跟「德」過

猪拉多纳

黑池暫時係英冠火力最強嘅球隊，今晚挾住主場3連勝氣勢「夫添」出擊，迎戰有中堅祖爾連治停賽嘅哈特斯菲爾德，就算要讓球都一樣冇有怕，一於撐黑池2.5倍「讓球主勝」。

（開賽時間：周二凌晨2:45）
哈特斯菲爾德主力守將缺陣

雖然哈特斯菲爾德近5場聯賽3勝2和未輸過，兼有3場攻入2球或以上，不過錫周三、葉士域治同般尼呢啲都只係下游球隊，今晚喺翼鋒阿當咸美爾膝傷缺陣下挑戰英冠失球最少嘅黑池，點會咁易有波入？

相反黑池今季進攻水銀瀉地，令防守球員防不勝防，特別係主場賽事，今季英冠踢咗3場主場，就總共入咗12球！上仗梅開二度嘅射手迪爾科尼素會繼續擔正，加埋6場入6球嘅弗爆中場湯馬士恩斯，今晚面對有中堅祖爾連治停賽嘅客軍防線，兩邊此消彼長，要大開殺戒有幾難？其實黑池主場唔經唔覺已經3連勝，今晚莫講話主W，就算要讓球都一樣贏得起，2.5倍「讓球主勝」冇走雞！