羅馬決心碌卡反彈

猪拉多纳

意甲進入第四輪，Ali做足準備，有信心延續前三輪強勢，今晚首選係上仗遭滑鐵盧嘅羅馬，作客強攻質庸態沉嘅卡利亞里有力反彈，羅馬小讓平半捧上盤。

（周日晚9時開賽）

卡利亞里今季開得極曳，踢完三仗攞到兩分十分夠運，喺Ali眼中佢哋應該未有分至合理，上仗作客1比1和巴勒莫表現尤其差劣，球隊最大問題係入球能力不足，即使教練費卡丹迪採用433主攻陣式亦無補於事。
卡利亞里主場冇fans撐

卡利亞里今晚雖然喺主場作戰，但唔會有球迷打氣，因為佢哋嘅聖艾利亞球場正進行重建，市政府以安全理由只限閉門作賽。此外，亦有傳言會方對球隊表現十分不滿，已經同前費倫天拿教練迪里奧羅斯傾緊條件，隨時解僱教頭費卡丹迪。球隊今仗亦有主力中場高素因傷缺陣。

羅馬上仗主場喺兩球領先下竟然連失三球，輸畀博洛尼亞，除咗衰在貪勝不知輸外，該役多名主力缺陣亦係輸波主因，球隊落敗後立即閉門檢討，捷克籍教練施文矢志要重返勝軌，雖然今仗仍然有主力中場迪羅斯缺陣，前鋒奧斯華度同中場米高巴特利因傷上陣成疑，但好消息係左閘巴沙列堤同箭頭迪斯度傷愈復出，陣容較上仗完整得多。

羅馬計級數遠勝卡利亞里，至今三戰入八球亦顯示其非凡攻力，施文嘅執教功力亦比費卡丹迪優勝得多，Ali深信羅馬今晚有力強勢反彈。
Ali推介：

羅馬上盤★★★★

阿特蘭大勝★★★

拉素大★★★