太阳报 史浩克弗到嚇死仁

sherry

史浩克弗到嚇死仁
2012/09/22文:阿占
德甲今晚最強火力交鋒！開季狀態十足嘅史浩克04，今晚主場迎戰榜首班霸拜仁慕尼黑，小弟認為主隊有力抗衡強敵，尤其係荷蘭國腳前鋒亨特拉爾狀態「托弗」，幾個新兵亦都漸入佳境。儘管拜仁進攻線上星光熠熠，衰在防線唔見得特別出色，今場作客絕對唔係表面睇咁穩陣，1.85倍「讓球主勝」值得一博。


射手亨特拉爾腳風順
史浩克04開咧後喺各項比賽取得4勝1和未輸過，最難得係呢5場當中有4場係作客，證明呢隊波狀態同實力都信得過。佢哋周中歐聯作客2:1擊敗奧林比亞高斯，亨特拉爾繼續有出色表現，係佢近4仗第3次有入波，呢位射手同新加盟嘅阿費利、巴尼達短時間內已建立默契，真係唔嘢小，史浩克今季亦保持每場最少入2球嘅佳績，咁嘅狀態當然唔驚任何對手啦！

拜仁後防唔齊腳靠唔住
其實拜仁今季亦係場場大勝，就算馬里奧高美斯受傷，文迪蘇傑一樣肩負起入波重任，加埋洛賓、列貝利、梳頓沙基利、湯馬士梅拿，以及假如今場有份上陣、就成為德甲史上上陣最多外援嘅比沙路等等，真係粒粒皆星。雖然拜仁前線勁人多到瀉，可惜後防人腳就「掹掹緊」，阿拉巴同迪亞高干坦圖仲養緊傷，剛剛踢完連場硬仗嘅拜仁想變都冇乜選擇，今場作客史浩克強攻都未必有着數，要贏波有一定難度。

頂占筍盤：史浩克04
有線球彩台主持阿占

電