有前冇後 開季6戰失9球 布力般迎米堡做「大」騷

猪拉多纳

今晚英冠榜首布力般流浪主場迎戰米杜土堡，主隊一對前鋒佐敦洛迪斯、紐奴高美斯最近上足彈藥，火力猛得驚人，不過佢哋有前無後，隨時畀客隊偷雞入到波，今晚場波隨時又大手成交，1.75倍入球大買得過！（開賽時間：周六凌晨2:45）
佐敦洛迪斯 紐奴高美斯弗爆

布力般流浪矢志下季重返英超，開季至今聯賽1場都未輸過，完全唔使質疑佢哋嘅鬥心，而且佢哋一對前鋒佐敦洛迪斯同紐奴高美斯狀態弗到爆，前者近兩場入3球，後者更加係連續4場英冠入波，火力猛到咁，今晚入一兩球閒閒哋。

不過買W前有一點要考慮，就係布力般入波多時失波亦唔少，6場聯賽只得1場可以保持清白之身，開季至今一共失咗9球。米堡雖然近況不穩，但勝在連續兩場作客都有士哥，今晚要偷雞攻破布力般大門都唔係冇可能。既然布力般有前無後打死罷就，1.75倍入球大絕對係投X明智之選！