聖日耳門搵里着數

猪拉多纳

法甲富豪球會巴黎聖日耳門今季大事增兵，被人寄予厚望，但雷聲大雨點小，踢咗3場聯賽都未開齋，擁躉們或者感到失望，但對投X者反而係佳音，皆因盤口逐漸降溫，今仗作客里爾，莊家主要開出平手盤。聖日耳門始終係高質素球隊，相信距離反彈時間，已愈來愈近，可望趁里爾踢完歐聯回唔切氣，打開勝利之門。

（周一凌晨3時開賽）
里爾啱啱踢完加時

聖日耳門新簽下嘅球員粒粒皆星，但無論球員幾出色，初到貴境始終要時間適應，同隊友磨合建立默契，亦係聖日耳門3戰皆和嘅主因。當然對於一支爭標球隊而言，連續3場失分，的確令人難以接受，相信教練安察洛堤同一眾球星開始感到壓力，未來比賽會加多幾錢肉緊。事實上，隨着球隊比賽增加，應可改善默契，表現會愈來愈好。

至於里爾實力唔算強，尤其係主將夏薩特轉投車路士後，攻力大為削弱，今季聯賽3戰都只係1勝。最不利係剛於上周中歐聯附加賽踢到加時，球員體力消耗大，遇上人腳鼎盛嘅聖日耳門，實在非常蝕底。

英超方面，阿士東維拉上季護級成功，算係好彩，但佢哋似乎未吸取教訓，今季聯賽兩戰皆敗，開局好差，打擊球員信心，已被視為降班膽，今仗作客難敵紐卡素。另外，西甲愛斯賓奴同樣態沉，兩戰兩敗，作客遇上主場踢高兩班波嘅利雲特，可謂凶多吉少。
肥叔心水

華歷簡奴平手盤

利物浦大

紐卡素上盤

曼聯上盤

史特加下盤、大

利雲特上盤

卡利亞里上盤

巴黎聖日耳門平手盤