慕遜頂到半少好細界

猪拉多纳

上季「德甲阿四」慕遜加柏喺歐聯第三圈附加賽首回合遭遇滑鐵盧，主場輸1比3畀基輔戴拿模。講真，對手出名歐洲賽經驗豐富，即使今場人哋出副選同你踢，睇怕慕遜加柏作客都難以扭轉出局厄運。

大家咪以為基輔冇咗舒夫真高就「蛇無頭不行」先得，呢隊波差唔多半隊都係烏克蘭國家隊球員，大家有晒默契，近況又良好，特別係主場夠惡，近五場主場全部贏晒，一共入十二球，失球得三個，係攻銳穩守球隊嚟o架！
首回合大敗轉攻德甲

慕遜加柏上季好似有神庇佑咁，喺德甲順風順水，畀佢哋博到踢歐聯附加賽，不過，今季人腳變動唔多唔少都好影響呢支非一線隊伍。就算買咗荷蘭前鋒盧克迪莊，但始終都係欠級數，就算有體力同技術但始終輸經驗，首回合搞到輸1比3，其中一球烏龍波就係拜佢所賜。

可能經過首回合，慕遜加柏都知自己唔係歐聯材料，就算入到分組賽，咪又係陪太子讀書，不如專心德甲好過，所以開咧對賀芬咸都算有板有眼，當中艾蘭高近期更喺德甲同德國盃都有立功呢！

教練法夫爾心知球隊經驗有限，如果要繼續死撐兼顧歐聯都唔係辦法，呢場輸少當贏就算，加上基輔有優勢喺手，有成三個作客入球，根本呢場就唔需要出「夫添」。呢個組合邊隊晉級好明顯喇，若然真係睇投X角度，我會嘗試半場和同入球細囉。

（有線61及201台周四凌晨2時45分直播）
車車推介

基輔戴拿模 半場和、細