巴勒莫「大」禮賀新婚

猪拉多纳

意甲巴勒莫主場對拿玻里，兩軍都崇尚進攻足球，攻優於守，1.88倍大盤係我嘅出擊重心。（周一凌晨2時45分開賽）

巴勒莫今夏痛失兩名最佳後衞，馬迪亞斯施維斯達同巴沙列堤分別轉投國米同羅馬，只補充小將摩根利拿，防線得不償失。引入方面，烏拉圭中場阿利華路同本土攻擊手比恩沙都係唔錯嘅收購，不過最佳收購預期係年僅18歲嘅阿根廷天才前鋒保羅戴巴拿，呢位小將花咗巴勒莫1,200萬歐元轉會費，但Ali認為物有所值，因為佢喺祖家早被譽為「新阿古路」，值得留意。
拿玻里熱身賽着火

Ali對新一季嘅拿玻里充滿期望，認為佢哋有力挑戰各項錦標，雖然將星級射手拿維斯賣咗畀巴黎聖日耳門，不過由費倫天拿買入守將甘巴連尼同中場比哈美兩名猛將，又從佩斯卡拉回收上季喺意乙踢到識飛嘅意大利U21鋒將恩斯治尼，得多於失。

巴勒莫季前熱身賽唔多，意大利盃贏低組別嘅克雷莫納3比1，防線未能予人信心。相反拿玻里先後喺熱身賽擊敗勁旅拜仁、利華、波爾多、布拉加同奧林比亞高斯，意超盃對祖記亦佔上風，最後踢到得番9個至加時輸2比4。Ali今仗稍睇好準備較佳嘅拿玻里，但作客西西里島永遠唔易踢，今場捧大好過。

小弟啱啱喺23號結婚，希望將呢份喜悅同大家分享，並為大家帶嚟好運氣。
Ali推介：

巴勒莫大 ★★★★

羅馬大 ★★★

阿特蘭大和★★