「保」刀未老 奇雲戴維斯弗爆

猪拉多纳

今季降落英冠嘅保頓，上周對住打比郡成功打開勝利之門，老將射手奇雲戴維斯寶刀未老之餘，今晚佢哋主場迎戰諾定咸森林，仲會有保加利亞國腳馬田柏杜夫復出，實力如虎添翼，要贏波自然易如反掌，1.9倍主勝值得捧場。（開賽時間：周六凌晨2:45）
馬田柏杜夫復出雙翼齊飛

由奧雲高尼領軍嘅保頓，雖然今季轉戰英冠，但依然保留大部分骨幹成員，想話爭取重返英超，機會絕對唔差。佢哋今季開咧2戰只得1勝1負雖然唔算突出，但其實上仗贏打比郡一戰，已漸見球員上力，奧雲高尼仲點名大讚35歲嘅奇雲戴維斯有料到，頂贏晒每一球波。今晚佢哋仲有快翼馬田柏杜夫復出，拍住上仗埋齋入波嘅伊高斯雙翼齊飛，配合奇雲戴維斯嘅頂上功夫，要入波冇難度啦！

另邊廂作客嘅森林，表現睇2戰1勝1和未輸過好似唔錯，但實質只係未遇上強手。呢班波人腳喺英冠只屬中游級數，目標係爭取踢附加賽資格，前線就靠由西布朗加盟嘅愛爾蘭國腳西蒙確斯同布力史托，不過要留意係森林今夏合共買入8個新人，磨合始終需時，今鋪作客出擊，想保住不敗金身似乎唔多樂觀。

猪拉多纳