華歷簡奴 格蘭納達 弱「細」社群對決

猪拉多纳

上季嘅升班分子華歷簡奴同CF格蘭納達狹路相逢，華歷簡奴雖有主場之利，不過佢哋識入波嘅球員已經執晒包袱，對家格蘭納達條鋒線又執晒位，兩邊火力都唔掂，一於敲1.75倍「入球細」啦！（now632台周二凌晨3:00直播）
格蘭納達鋒線大執位

華歷簡奴上季成功護級，今季老闆繼續唔肯開水喉，新帥柏高梗係頭痛啦！事關中場核心米捷轉投史雲斯，仲要即刻係英超開鑼戰省兩粒，至於上季夾埋入咗19球嘅主力前鋒迪亞高哥斯達同達蒙度都已經離隊，今季雖然收購咗踢過華倫西亞嘅艾真度杜明基斯，不過呢位進攻中場幫「蝙蝠軍團」上陣19次顆粒無收，都係唔好期望佢幫手數胡喇。

CF格蘭納達上季僅以1分壓過維拉利爾留級，今季護級路開始前已頻傳壞消息，除咗主力中場法蘭列高因韌帶受傷復出無期，舉足輕重嘅射手恩哈路同烏捷都唔肯留低，就算回收番件奧利蘭拿同借用科路科利斯，夾波都要時間o架，點可能旨意佢哋一落場就有貨交？