卡爾斯魯厄 越級咬漢堡

猪拉多纳

今日歐陸連線輪到Alwin出場，首先同大家講吓德國盃第一圈卡爾斯魯厄主場對漢堡，今場焦點將會集中喺被德國傳媒評為「新奧斯爾」嘅超新星卡漢奧古（Hankan Calhanoglu）身上，今場佢會為老東家挑戰未來東家，雖然兩軍有兩個級別距離，不過Alwin相信漢堡今仗唔易踢，推介卡爾斯魯厄「讓球主勝」。（周日晚8時30分開賽）

年僅18歲嘅卡漢奧古同現効力皇馬嘅奧斯爾一樣，喺土耳其出生，無論潛力甚至踢法都似足奧斯爾，喺傳媒力捧下，受到多家球會垂青，卡爾斯魯厄知道好難留得住佢，最終諗到一個兩全其美辦法，今夏以較低價嘅200萬歐元賣佢畀漢堡，已簽約四年，但條件係要借番畀卡爾斯魯厄一季，等球會有時間搵接班人。由於德國盃晉級獎金同電視分帳不斷提升，對卡爾斯魯厄呢啲小球會嚟講吸引力極大，主場出擊戰意十足。
漢堡今夏繼續放血

上季勉強護級嘅漢堡基於財困，今夏繼續放血，賣走埋荷西古里路、柏歷等主力，只係免費簽入利華古遜門將艾達，同回收外借畀杜塞爾多夫嘅新星比斯達，實力再減，加上季前熱身賽表現一般，今場作客讓波唔睇好。
Alwin推介：

卡爾斯魯厄讓球勝 ★★★

法蘭克福勝 ★★★

凱沙羅頓勝 ★★★