開鑼日醫生配方：反熱刺

猪拉多纳

英超開鑼，呢個堪稱世界最激烈聯賽，上季曼市雙雄就鬥到最後一日補時至分到勝負，一眾強隊習慣一開始就寸土必爭，Macot建議大家第一日唔好同列強作對，下游球隊對壘亦不宜大注，全日投X策略係反熱刺捧對家紐卡素。
保亞斯仲有排執

近季曼聯、車路士、阿仙奴同曼城喺開鑼日多數都贏，大部分仲連盤都贏埋，最令人失望嘅係利物浦，近3季都贏唔到，不過呢支擁有最忠心擁躉嘅老牌勁旅今季銳意求變，未必會延續頹勢。首日最有信心係紐卡素對熱刺，策略係反熱刺！代替夏利列納嘅新帥保亞斯上季執教車路士失敗收場，嚟到熱刺未知掂唔掂，起碼仲需要時間執，靈魂莫迪歷勢投皇馬唔會上陣，代替佢嘅基菲爾施古臣雖然係罰球專家，但級數較次，戰鬥力難免下滑。

紐卡素上季中得到柏比斯施斯加盟後鋒力大增，單計下半季係英超表現最出色球員，今季簽埋前阿積士荷蘭天才中場安尼達，級數不在熱刺之下，主場頭炮唔使讓波值得支持。（有線300及200台周日凌晨零時30分直播）
Macot推介：

紐卡素平手盤 ★★★★

燦美爾勝 ★★★

安達赫治讓球勝 ★★★