紐卡素VS熱剌敲角球細

猪拉多纳

英超開鑼有好波睇，開咧戰紐卡素對熱刺，無論係踢法、數據、主客因素等，兩軍都唔多角球，呢場個角球細值得留意。

（有線300及200台周日凌晨零時30分直播）

先講雙方上季對壘紀錄，兩仗嘅角球總數都係七個，喺激烈嘅英超賽事來說都算少喇。其中紐卡素上季坐鎮主場嘅「角球排行榜」，總數為177個，場均得4.66個，只列英超下游。雖然熱刺喺上季作客嘅角球榜排次席，但都要睇下對邊隊，面對「喜鵲」唔錯嘅正面防守，不能單從數據可以下結論。

因此，就要分析下兩軍踢法。首先，紐卡素係一支典型嘅快速反擊球隊，以穩紮穩打為基調，喺防守高空波方面，尤其係阿根廷中堅高洛仙尼，可謂一夫當關，通常可解圍頂出橫邊界外。

咁蹺熱刺前線欠缺一名制空力強嘅中鋒，好難透過死球製造混亂博得角球，加上該隊擅於控球在腳睇定食，更有利「喜鵲」布防。
熱刺遠程炮「啞火」

本來熱刺可藉住遠射攻門，迫使對方門將撲出底線而獲得角球，可惜一眾遠射高手各有問題，例如卡蘭積卡已離隊，侯度史東同贊拿斯又雪到硬晒，莫迪歷心在皇馬戰意成疑，而加里夫巴利、基爾獲加剛傷愈未必有態，使佢哋遠程炮嘅威力大減，單憑短傳入滲一道板斧，好難對「喜鵲」後防構成有威脅嘅攻勢。加上紐卡素無論主場定作客，其角球數字都偏低，呢場個角球細有望開出。
敲迪科爾3.7倍「入球」

另外，今場有開另一個「特別項目」，主要圍繞熱刺前鋒迪科爾，此子踢法斯文，拎牌機會唔大，有分頭都博唔過。熱刺現時只剩迪科爾一個正宗前鋒，大部分進攻都會以其為目標，迪科爾有更多埋門機會，「入球」賠率有3.7倍，絕對值得留意。
紐卡素上季角球數據表

總數：177

主場：111

作客：66
熱刺上季角球數據表

總數：283

主場：147

作客：136
上季聯賽對賽數據

16/10/2011 （5）紐卡素 2:2 熱刺（2）

12/02/2012 （4）熱刺 5:0 紐卡素（3）

（ ）內為角球數目

(六)51 項目編號：1角球大細

(1)多於10.5 1.85

(2)少於10.5 1.85
推介：(2)少於10.5