基輔戴拿模踢到曉飛

猪拉多纳

歐聯外圍賽第3圈次回合，周三凌晨由荷甲飛燕諾主場對烏克蘭基輔戴拿模。首回合飛燕諾喺領先1球情況下兩番失守，最終1比2敗陣。雖說今次輪到飛燕諾主場，但因球員仍未回復最佳狀態，相信基輔戴拿模有力再贏飛燕諾，客W可留意。

（周三凌晨2時開賽）

新一季荷甲仍未開咧，飛燕諾球員狀態成疑。縱然球隊安排多場熱身賽，但競爭性始終都唔及正式比賽，好難期望飛燕諾有正常發揮。相反烏超新季早已展開，基輔戴拿模更取得聯賽4連勝，另要留意基輔戴拿模首回合只係贏2比1，要穩陣晉級就不能太被動。料客隊可憑較佳狀態再勝，揀客W。
迪比辛巴迪做「大」騷

另一場歐聯外圍賽由匈牙利球隊迪比辛主場對白俄羅斯巴迪，首回合雙方打成1比1，次回合肯定會主動進攻求勝晉級。預料今場戰情會比起首回合更加開放，入球數字偏高機會唔低，大盤可捧。