美國速食加拿大

猪拉多纳

奧運女足去到四強階段，美國、日本大有可能齊齊晉級，複製去年女子世界盃決賽戲碼！美國雲芭芝場場士哥、後防連續三場不失，有超班之勢；「花旗女將」特點係快入局，近三戰均領先半場，今輪鬥加拿大料會繼續由頭帶到尾，捧美國「半場客勝」！

（有線63、203及18台周二凌晨2時45分直播）

美國排得世界第一，果然名不虛傳，由分組賽首仗已打出霸氣，鬥法國雖早早落後兩粒，但有睇直播嘅球迷，都唔會覺得佢哋會輸，事關「花旗女將」愈踢愈有，無論體力、技術、速度、把握力都超班，最後反勝四比二屬正路戰果。

事實上，美國前中後三線可謂完美，中場娜賓露傳送一流，門神蘇露又「一女當關」，鬥哥倫比亞、北韓、新西蘭好似練波咁練，美國Ｗ得1.4倍熱得有理。加拿大八強爆冷淘汰主隊英國，虛耗唔少精力，實難以頂得住對手狂攻猛打，美國半場勝有1.98倍好路。
日本精神面貌勝法國

另一場日本鬥法國，「大和撫子」八強技術性擊倒巴西，後防密不透風，班波好有隊形，反觀法國穩定性不足，後防又周時有甩漏，平手盤捧日本。

（有線63、203及18台周二凌晨零時直播）