華盛頓聯衝擊主Ｗ雙保險

猪拉多纳

周日早上有多場美職賽事，較早時段開波的有華盛頓聯隊主場鬥哥倫布機員。早前華盛頓聯隊演出差勁，於聯賽連輸兩場。不過首都球隊剛與外訪嘅巴黎聖日耳門進行過一場「拍跳」，能與高水平歐洲球隊作技術交流，有助提升華盛頓聯賽作戰能力，今場可望反彈，擊敗哥倫布機員，主Ｗ可優先留意。

（周日早上７時30分開賽）
機員作客惡唔出樣

華盛頓聯隊聯賽２連敗，某程度上與作客有關。其實華盛頓聯隊今季主強客弱，屬少數聯賽主勝率達７成的球隊，今於主場出擊必會有更佳發揮。加上與巴黎聖日耳門「拍跳」後，對球員嘅技術及心理都會有正面影響。哥倫布機員近況係好，但遇對主場特佳嘅華盛頓聯隊，長勝氣勢就難以延續，主Ｗ開出機會高。

另外同時間舉行仲有蒙特利爾衝擊主場對費城聯，蒙特利爾衝擊上賽以３比１擊敗紐約紅牛，而從意甲博洛尼亞加盟嘅迪華奧亦告開齋。似乎幾位從歐陸輸入嘅球員如迪華奧及尼斯達都已逐漸適應美職環境，相信今場會有更佳演出，主Ｗ有捧場價值。