南韓靠「主」KO加蓬

猪拉多纳

奧運足球賽今晚上演最後1輪分組賽，南韓喺B組對加蓬，不妨繼續追主W。呢場南韓和波已經夠出線，但佢哋上場畀瑞士男奧足球員唱衰，無啦啦被種族歧視肯定唔好受，相信會繼續踢好波，加上朴主永為國家隊上陣特醒，信「主」得救！

（開賽時間：周四凌晨0:00）
摩根利拿種族歧視被瑞士革走

南韓首戰以0:0打和墨西哥，跟手發威由朴主永同金甫炅入波以2:1打沉瑞士。比賽期間朴主永撞到摩根利拿，對方就詐死博罰球，點不知被球證睇穿攞黃牌。唔知係咪唔忿氣，賽後摩根利拿喺網上發表種族歧視南韓人嘅言論，雖然佢自稱被對方球迷挑釁在先，但依然被瑞士代表團叮走，兼且辣慶韓國球員。

由於拎到奧運金牌可以免服兵役，今次南韓大軍吸引唔少外流球星歸隊，除咗朴主永，中場具滋哲、寄誠庸同門將鄭成龍都係國家隊主力，當中朴主永為國出戰勁旺，曾經喺世盃外圍賽亞洲區第3圈外圍賽勁入6球，對手加蓬靠法國落班球員拉雜成軍，呢場要贏波至有機會出線，焗攻冇得守隨時畀佢搞掂。

奧運男足B組