哥本哈根主場布陣信得過

猪拉多纳

歐聯上演第三圈外圍賽首回合，部分較為人熟悉球隊紛紛亮相，丹麥哥本哈根主場迎戰比利時布魯日。兩隊都係歐聯外圍賽常客，實力、經驗不相伯仲，不過哥本哈根早於七月中已展開新球季，而且主場表現亦非常對辦，首回合可睇高一線。

（周四凌晨2時開賽）

哥本哈根對上三屆都有出席歐聯第三圈外圍賽，當中三次主場都能贏波兼晉級，10至11球季更加打入分組賽，主場面對巴塞隆拿、魯賓卡山及彭拿典奈高斯亦保持不敗，主場威力唔可以睇少。丹麥聯賽於七月中已經開鑼，哥本哈根三戰未輸過，包括主場兩連勝，今次首回合有主場之利自然係好兆頭。
布魯日作客唔掂

比利時聯賽剛於上周末展開，布魯日首戰主場以三比一擊退比華倫，不過呢支上季比甲亞軍作客演出一向唔及主場穩定，不宜抱太高期望，哥本哈根主W有1.9倍值得支持。