英國女足鬥「森」強秤先

猪拉多纳

E組兩強巴西同英國已篤定躋身8強，話就話呢場係例行公事，但邊隊攞到首名將會對住F或G組嘅最佳第3名，即係話條晉級之路會易行啲，巴西上仗鬥新西蘭冇晒貨，點睇都唔似讓得起英國，一於捧1.85倍「讓主」。（有線18、63及203周三凌晨2:45直播）

巴西首輪分組賽大炒喀麥隆5蛋，個勢睇落好猛，點知上仗對住新西蘭就老鼠拉龜險勝1:0，表現唔多夠說服力。由於賽程頻密，據講今晚或會收起中場「大家姐」科美嘉抖抖添，似已完成目標咁！

英國畀亨格比利嘅感覺好進取，上仗鬥喀麥隆足足有16腳射門。更重要係一早就被調走嘅射手姬莉史密芙，賽後話體能冇問題，今場主動請纓擔正，鬥心咁好，贏埋巴西唔出奇。

女子奧足E組