里昂未上力難敵蒙彼利埃

猪拉多纳

象徵法甲新季開始嘅法國冠軍盃，今晚喺美國嘅紐約紅牛主場舉行！上季歷史性法甲封王嘅蒙彼利埃前線雖大執位，但喺熱身賽仍取得3連勝。今晚佢哋嘅對手里昂就有射手利辛度盧比斯養傷，兼有門將洛里斯準備走人，軍心同士氣都麻麻，平手盤一於撐蒙彼利埃。（now714台周日凌晨3:00直播）
利辛度盧比斯養傷

法冠盃已連續第4年喺法國以外地方舉行，今次更首次喺非法語系國家搞，極具歷史意義。要喺美國揚威，蒙彼利埃絕對有本錢，今夏雖然有上季喺聯賽省入21粒嘅基奧特過檔阿仙奴，不過補入嘅阿根廷前鋒靴利拉射術唔簡單，日前佢哋大炒肯薩斯體育會3蛋，靴利拉就梅開二度，加上其他主力決定留隊，默契好打季初波尤其緊要。

至於上屆法國足總盃冠軍里昂，熱身賽輸完畀畢爾包再和皇家蘇斯達，周三嚟到北美同蒙特利爾衝擊拍跳，結果法定時間打和1:1，只靠互射12碼贏波開齋。最陰功係佢哋個射手利辛度盧比辛踢咗33分鐘就因右腳大腿舊患復發，今仗唔使預佢，門將洛里斯據聞踢埋今鋪轉投熱刺，怕受傷有保留，會係爭勝計時炸彈。
法冠盃賽制

以一場過分勝負，若法定時間內打成平手，隨即互射12碼決勝。
法冠盃冠軍賠率

蒙彼利埃 1.85倍

里昂 1.85倍