鹽湖城回勇 主場欺白帽

猪拉多纳

美職獨腳戲由皇家鹽湖城主場對溫哥華白帽，皇家鹽湖城早前經歷過本季最大敗仗，慘吞地震五蛋。幸球員未有因慘敗而洩氣，好快就重拾信心，剛賽就以兩球淨勝科羅拉多急流。相信回勇嘅皇家鹽湖城可繼續交出好成績，主場之利對球隊亦有一定幫助，今場主Ｗ可捧。（周六早上9時開賽）

皇家鹽湖城聯賽排名第二，從數據已反映出球隊今季表現有幾好。雖然話球隊曾經走入低潮期，但好快就調整過來，亦開始交番出好成績。本輪聯賽遇到加拿大球隊溫哥華白帽，主隊有力再勝。
南特夠贏伊斯特尼斯

溫哥華白帽實力唔差，但今場要南下到美國猶他州比賽，舟車勞頓對於溫哥華白帽會有不良影響，今場開出主Ｗ機會較高。另外法乙方面，南特主場對伊斯特尼斯可捧主Ｗ。留意到兩隊近年幾次對賽都係主隊勝出，料今次亦唔會例外。至於尼奧特主場對克萊蒙特，兩隊攻力一般，入球不多宜捧細盤。