巴西強陣誓圓金牌夢

猪拉多纳

在卡迪夫球場出戰埃及的巴西恨攞金牌恨到發燒，倫奧第一擊當然希望打響頭炮，不過埃及並非魚腩，防守甚穩，預計巴西贏波亦難大勝，今場推介入球細。

（有線63及203台周五凌晨2時45分直播）

森巴王國從未贏過奧運金牌，反而宿敵阿根廷喺04同08已連贏兩屆，今屆阿根廷未能打入決賽周，巴西就繼續派強陣出擊，星級陣容包括尼馬、柏圖、盧卡斯洛迪古斯及奧斯卡杜斯山度士，超齡球員係侯克、堤亞高施華及馬些路，即使正選門將拉菲爾卡比爾日前操練受傷退出比賽，影響亦唔算好大，故被捧成奪金大熱，預計可在C組順利出線。
埃及硬淨做「細」界

假定巴西在小組三戰全勝，另一出線席位就係埃及、白俄羅斯及新西蘭之爭，三隊實力接近，可能要計得失球，而對巴西輸得最少嗰隊就最着數。埃及男奧足喺U23非國盃暨奧足外圍賽五場中有四場開細，防守穩陣，對住巴西更要加強防守，避免大敗。