鯨魚發惡吞水手

猪拉多纳

日職直播戲碼由橫濱水手主場對名古屋鯨魚，鯨魚年輕前鋒永井謙佑近三戰入五球，呢個日本奧運隊主力成員大熟大勇，近況一流，即使大軍有玉田圭司養傷，前線亦能保持火力，大軍近兩次作客水手都贏波，往績佔優唔怕對手，平手盤可秤先。（now 633周六下午5時直播）

同日大阪櫻花主場對浦和紅鑽，櫻花中場清武弘嗣將會最後一次代表球隊出戰，之後呢位新晉日本國腳會轉投德甲球會紐倫堡，臨別秋波一定份外落力。紅鑽今季作客好硬淨，極少輸波，但櫻花向來係神經刀，癲起上嚟好癲，上次聯賽盃鬥鳥棲砂岩淨勝五球已顯威力，小讓平半可秤先。
心跳讓唔起松鼠

下游球隊大宮松鼠主場對清水心跳，心跳近四次作客輸三場，客場出戰唔係佢哋強項，今場遇上松鼠要讓波個盤唔抵玩。松鼠近四次聯賽主場對心跳三次不敗，不落下風，受讓有計。