英軍錢到飛到波到

猪拉多纳

歐國盃東道主烏克蘭面對法國受讓平半至半球，臨場大戶一面倒捧晒上盤，完全唔放佢哋在眼內，結果換邊後法國一踩油輕鬆贏兩粒，根本就冇得打！烏克蘭只係勝在有天時、地利、人和，但若果單計水平，大膽講句，佢哋絕對唔夠料踢決賽周，連愛爾蘭都未必贏到！
德國丹麥「大」格鬥

至於尾場英格蘭初盤讓瑞典平半至半球，當時勁吹瑞典風，但大戶按兵不動，直到英軍臨場回飛，個盤變做平手盤低水，班菠菜專家即時出手力撐英格蘭，最終果然錢到飛到波到！去到緊張關頭，以波論波，英格蘭始終都係高啲，佢哋今屆少咗星味，但團隊一流，呢班波前景唔錯，值跟進！

講番今晚推介，死亡B組仲有得爭，德國兩戰兩勝形勢最好，今場對丹麥和波都夠數，讓到半一至一球略嫌太多，始終都係令人有戒心，實在不適宜玩盤。德軍人腳好，就算真係用後備都高過丹麥，由於丹麥都要搶分，呢場波預計雙方都會踢得較為開放，相信會有唔少士哥，大盤值得一試。

另外，葡萄牙則會惡戰荷蘭，荷蘭分組賽兩戰全敗，今次仲要讓波，有唔少散客買定葡萄牙，不過，計級數荷蘭絕對在葡軍之上，小讓平半合理，應該有機會打翻身戰贏番場！
肥叔心水

丹麥 大

荷蘭 上盤