岡薩多大禮獻維加泰

猪拉多纳

日職榜首仙台維加泰主場對榜尾札幌岡薩多，表面強弱懸殊，但呢類賽事往往暗藏殺機，維加泰主勝熱至1.23倍毫不吸引，岡薩多豆腐防線任人魚肉，大盤更穩！

（now 633周六中午12時30分直播）
櫻花三箭對戰旺大

維加泰唔叻唔會排榜首，岡薩多唔渣就唔會排榜尾，不過，史上無數熱門球隊都喺呢種情況下失分，忌捧主Ｗ！岡薩多最大問題係唔識守，單計近四場勁失十六粒，包括作客鹿島鹿角大敗○比七，今次鬥維加泰輸波機會好高，但入球大更穩陣！

同日大阪櫻花主場對廣島三箭，櫻花中前場人腳具備日職頂級實力，隨住日本國腳清武弘嗣鐵定離隊，南韓球星金甫炅將會擔大旗，配合愛華頓甘比斯同白蘭昆奴等外援，計攻力確係唔弱。三箭前鋒佐藤壽人係入球保證，大軍近九次對櫻花八場開大，經常大手交易，捧大啦！

另外，神戶勝利船改由前大阪飛腳名帥西野朗領軍後改踢進攻足球，但暫時防線失波仍多，今次作客磐田山葉預計又係另一場入球騷，都係要大盤。
日職推介

仙台維加泰 大

大阪櫻花 大

磐田山葉 大