死亡Ｂ組 丹麥左右大局

猪拉多纳

經過尋晚兩場Ａ組賽事之後，今晚死亡Ｂ組就會登場，頭場先有荷蘭對丹麥。當大家都將焦點放喺荷蘭同德國嘅時候，我就覺得丹麥先係最關鍵嘅一隊！其實都好耐未試過咁多支熱門球隊編在同一組，先講荷蘭，上場熱身賽６比０大炒北愛爾蘭，足以顯出佢地狀態大好，尹佩斯、洛賓、阿費利及史奈達都係橙軍進攻主力，入球好有保證。丹麥的目標人物除咗中鋒賓特拿及後上的丹尼爾艾格外，新星基斯頓艾歷臣都相當值得大家留意！

至於德國對葡萄牙，德國教練勒夫繼續會倚重一班拜仁球員例如紐亞、拿姆、舒韋恩史迪加同馬里奧高美斯等，再配合皇馬嘅奧斯爾，前中後瓣瓣有，相反葡萄牙只靠Ｃ朗同拿尼左右側擊，前線配合不足，可幸防線仍不少好球員，都唔係冇得打嘅。總括嚟講丹麥好似比較弱，但係就成為成組最關鍵嘅一隊，個人認為邊隊贏唔到丹麥，邊隊就即刻有危機！
直播時段搞搞新意思

另外今晚又有新玩意，nowTV同TVB會喺直播時段首次「正式交鋒」，大玩Crossover，想聽我同阿叻點樣喺現場Chit Chat，記得準時10點半睇實632台，而我今次亦感受到電視界友好嘅一面！

（本欄目每日由克勤口述nowTV筆錄，同你大談歐國盃）