歐國盃：德國係入球大之王

猪拉多纳

歐國盃列強實力接近，形勢均等，有時買主客和或者買讓盤都唔容易選擇，喺呢個時候入球大細就最值得玩。其中德國嘅全場同半場嘅入球大都係開唔停，總之想睇入波，有德國就冇囉嗦！
丹麥開大比率高

咪以為德國上場熱身賽小勝以色列2:0開入球細，就話推介佢哋冇準，其實睇番德國由舊年3月27日大炒哈薩克4:0開始，以中位數2.5球嚟計的話，近15場波就有14場開出全場入球大，都咪話唔誇張。至於話半場大細，以足智彩慣常中位數1.5球嚟講，「日耳曼兵團」近6戰都有4場開大，甚至入到3、4球都試過！

除咗火力強勁嘅德國大得起，來自北歐嘅丹麥開半場大比率都幾高，近8場波就有5場開得出半場大，對住塞浦路斯可以半場踢到1:4都有。要知道半場大賠率可以去到接近3倍，值博率唔錯o架！