歐國盃：死亡之組撐德荷突圍

猪拉多纳

被喻為死亡之組嘅B組賽事，4支球隊有3支係前冠軍，葡萄牙則係04年亞軍，亦非善男信女，爭出線肯定打餐死。4隊中以德國氣勢最好，喺分組賽取得10戰全勝。雖然話佢哋之前熱身賽曾以3:5不敵瑞士，但當日一眾拜仁兵未歸隊，根本不足為據，小組首名都係以日耳曼兵團機會最高。

次名則係荷蘭秤先，話晒都係2010世界盃亞軍隊伍嘛！射手尹佩斯同亨特拉爾分別係英超同德甲神射手，就算近排史奈達同雲達華治狀態滑落，要入波一樣唔使擔心。反而葡萄牙要靠C朗單打獨鬥，丹麥始終欠缺重心球星，想搵「中堅賓」領導球隊出線？大貪咗啲喎！

推介：德國 - 荷蘭 （4倍）