德國求「大」勝壯行「色」

猪拉多纳

德國最後一場熱身賽主場對以色列，肯定求大捷振軍心，佢哋今仗有拜仁主力回歸，捧1.45倍「讓球主勝」同中位數3.5球嘅2倍「入球大」。（無綫翡翠台周五凌晨2:30直播）

力奇睇好德國今仗可以大翻身，事關隊長拿姆、謝路美保定同畢斯杜巴等拜仁兵都會復任防線正選，中場重心舒韋恩史迪加雖因傷缺陣，但都仲有奧斯爾同馬里奧葛斯等新星，點會唔夠砌吖！鋒線殺手馬里奧高美斯今仗強勢回歸，佢都要搏表現同高路斯爭正選，反觀對手以色列打嚟打去都係賓沙夏同班拿約，輸少粒都要還神啦！