德國搵以色列祭旗

猪拉多纳

剛經歷3比5慘敗於瑞士嘅德國，領隊勒夫大為震怒，作為出征歐國盃前最後一場熱身賽，今晚回師主場與以色列拍跳，實行搵對手祭旗以壯行色，但以該隊脆弱嘅防線好難唔失波，捧入球大仲好。

（無綫翡翠台周五凌晨2時30分直播）

雖然瑞士教頭希斯菲特坦言，德國輸畀他們唔係壞事，及早補救好過去到決賽周先知問題，但要勒夫在唔夠兩星期解決防線漏洞有啲強人所難喎。事實上，勒帥過去兩年希望完善後防不斷試陣，可惜效果麻麻，經驗豐富嘅梅迪薩卡更因傷缺態打亂了部署，加上左閘舒姆沙表現未如人意，令德國始終有「後顧之憂」。
以攻代守要埋「主其他」

幸好，日耳曼軍團嘅進攻好手人才輩出，以攻擊中場為例，除鐵打主力奧斯爾、普多斯基、湯馬士梅拿外，冷板上仲有「三斯」馬高列奧斯、馬里奧葛斯、卻奧斯待命，其中前者上仗後備入替，激活整條進攻線，被視為秘密武器。既然後防問題非一時三刻能解決，仲有「拜仁8傑」回歸，勒夫以攻代守亦無可厚非，實行大勝一場以壯行色，陪練嘅以色列唔會阻頭阻勢，入球大更加值博，進取啲可考慮埋「主其他」。