鹽湖城超班「-1」發達

猪拉多纳

美職聯賽盃進行到第三圈賽事，美職榜首球隊皇家鹽湖城就會鬥美甲明尼蘇達星隊。皇家鹽湖城今年喺聯賽有出色表現，尤其主場賽事就更加有取勝把握。皇家鹽湖城於盃賽明顯超班，今場有望大勝明尼蘇達星隊，「讓球主勝」唔怕熱食。（周三早上9時開賽）
推平價飛主場氣勢更盛

皇家鹽湖城已連續六場保持不敗，單計主場更取得五連勝，近況可謂相當之理想。而皇家鹽湖城為吸引更多球迷進入里奧天圖球場為愛隊打氣，今場盃賽門票所有座位都係定價十五美元，而季票持有人更能以十美元優惠價入場。其實美職賽事票價都唔平，就以皇家鹽湖城下個月主場對洛杉磯銀河為例，自選座位嘅最低票價都要廿五美元，所以今場盃賽可謂賣大包益街坊。喺大量球迷入場支持下，對皇家鹽湖城爭勝必定有幫助。

明尼蘇達星隊雖於聯賽保持不敗，但考慮到聯賽水平與美職球隊有一段距離，面對皇家鹽湖城難有運行。