歐國盃：沙皇翻生復興王朝

猪拉多纳

講到俄羅斯主打球星，唔使講一定係艾沙維。雖然「沙皇」今季初喺阿仙奴表現一般，但今年頭以外借身份加盟辛尼特即刻生晒，上陣11場取得3球同4次助攻。其實艾沙維今次重返俄羅斯踢波真係幾有利，一來方便我考察佢，二來可以同班國家隊隊友多啲聯絡，增進感情同默契，當然同樣啱啱重返俄羅斯嘅柏夫里約真高同富咸前鋒普格恩耶克亦不容忽視，仲有就係記住要留意超新星迪沙高耶夫，隨時大爆發。