歐國盃：壓花圖案似俄戰士鎧甲

猪拉多纳

adidas喺設計俄羅斯紅色嘅主場球衣上都十分花心思，特別注入咗俄羅斯本土元素，利用鮮艷嘅紅色同華麗嘅金色嚟配搭；心口一條長長色帶，採用嘅顏色正係俄羅斯國旗嘅白、藍、紅三色。波衫正面同膊頭位嘅壓花圖案，設計靈感嚟自古代俄國戰士嘅鎧甲，寓意表達俄羅斯民族驍勇善戰，同埋人民強烈嘅英雄主義！

至於作客白色戰衣，領口同膊頭位嘅線條用咗紅色，前面嘅一條長色帶同主場紅色戰衣一樣，都係用咗國旗嘅三隻主色，配搭嘅短褲同襪都係白色為主，只係襪上邊多咗紅藍兩色嘅橫紋。

鳴謝：KitroomSports