艾查捷拉贏卡士吉星高照

猪拉多纳

要數今屆亞冠盃最有冠軍相球隊，朱楓必揀阿聯酋嘅艾查捷拉，佢哋喺分組賽盡顯霸氣，星級外援超晒班，當中前AC前鋒奧利華拉（圖）仲弗到冇人有，今晚喺亞冠盃16強主場對沙地阿拉伯嘅吉達艾阿里，可以直取2.32倍主W！（開賽時間：周二晚11:45）

艾查捷拉喺分組賽A組取得5勝1和，入18球失10球，無論積分及入球數字都係8組之冠，表現咁超班，皆因佢哋陣容超強，教練有上季仲帶緊巴甲勁旅甘美奧嘅卡奧祖利亞，進攻鐵三角就有巴西射手奧利華拉、日職入球機器巴爾同前比錫達斯攻擊中場馬迪亞斯迪加度，防線就有前澳洲國家隊隊長尼爾鎮守，卡士贏晒，當中奧利華拉就最值得留意，佢之前6場分組賽就只有第3輪冇波入，第5同第6輪更先後上演帽子戲法同大四喜，目前以10球領先亞冠盃射手榜首位，拋離第2位有成5球咁多。
吉達艾阿里抖少3日

吉達艾阿里早前喺分組賽表現一般，首兩場均失分，最後僅憑3勝1和2負，以次名出線，而且啲外援亦同艾查捷拉差幾班，巴西前鋒西蒙斯、中場甘馬曹同哥倫比亞中場柏路明奴都係名不經傳，最慘佢哋3日前先踢完沙冠盃決賽，雖然最後大勝艾納斯4:1捧盃，但就比艾查捷拉抖少3日，喺今晚一場過嘅16強大戰，難免處於下風。
亞冠盃賽制

今輪為16強賽事，以一場過分勝負，若法定時間內打成平手，則需加時作賽，再和則互射12碼決勝。