波蘭搶Ｗ造勢

猪拉多纳

國際熱身賽波蘭對拉脫維亞，歐洲國家盃仲有十七日就正式開打，好多球隊都會藉熱身賽去谷起狀態，以迎接大賽來臨。尤其波蘭係主辦國之一，毋須打外圍賽就直接入決賽周，對熱身賽就更重視。拉脫維亞屬歐洲三流球球，近年所擊敗嘅對手只係格魯吉亞及馬爾他等弱勢球隊，戰鬥力及不上波蘭。今場比賽於奧地利中立場舉行，波蘭主W可捧。

（周三凌晨2時45分開賽）
青春班夠活力

波蘭今屆以青春班為主，初選廿六人名單只得兩個三十歲或以上球員，相信活力係波蘭最大殺着。前鋒羅拔利雲度夫斯基今季助多蒙特榮膺雙冠王，盡顯射手本色，拉脫維亞對住呢位超級前鋒難有運行。

拉脫維亞冇份打歐國盃決賽周，今場只係陪波蘭操練，爭勝意欲唔高。就算計對賽往績，雙方近六次對賽拉脫維亞都係輸多贏少，今場再次輸畀波蘭都好正常。