利伯泰迪地頭玩殘大學生

猪拉多纳

回顧自由盃首圈淘汰賽嘅16場賽事，主場威力仍然舉足輕重，只係得小保加同沙士菲兩隊阿根廷班霸可以作客贏波，就連上屆冠軍山度士作客弱旅玻利瓦爾都係先輸波，要返到主場先至勁數8球平反敗局，所以聽朝舉行嘅8強首回合賽事，都係捧主隊着數。
智利大學作客3連敗

聽朝首場自由盃大戰，會由來自巴拉圭嘅利伯泰迪主場迎戰智利大學，客軍雖然係上屆南美球會盃冠軍，但踢自由盃級數始終輸蝕，前屆亦只係16強止步，上圈作客厄瓜多爾嘅基多，喺首回合更以1:4落敗，計埋聯賽不敵天主教大學，作客已經連輸3仗，今仗造訪巴拉圭絕對唔易踢。

利伯泰迪近年踢自由盃表現穩定，今年已經連續第3屆殺入8強，喺06年更係4強分子，睇番今屆賽事，佢哋連埋外圍賽主場共取得4勝1和，今仗開出平手盤冇理由唔博。（開賽時間：周四早上6:30）

足球重心：利伯泰迪（平手）

馬膽推介：7場(2)開心指數

雖然好似愈贏愈險，但查實係點到即止，加分後對手反而更弱，又避開晒「太陽海岸」等死敵，唔難爭取泥地1200米5連勝。
自由盃及巴西盃賽制：

採主客兩回合淘汰制，今輪為8強首回合，若總比數相同，作客入球較多一隊晉級，再和則於次回合後隨即互射12碼決勝。