現代東京玩「大」佢

猪拉多纳

亞洲聯賽冠軍盃F組最後一輪，由南韓蔚山現代主場對日職FC東京。由於兩支球隊在前5輪都已取得3勝2負11分的成績，穩奪16強晉級資格，故今仗只屬名次之爭。留意到雙方近期喺亞冠盃都炮製唔少入球，預計今場比賽有機會出現大手交易，大盤可優先留意。

(now 671周三晚6時30分直播)
兩隊攻力都有保證

蔚山現代於亞冠盃都打得幾開放，除主場對澳職球隊布里斯班獅吼開細之外，其餘4場分組賽總入球都有3球或以上，相信蔚山現代今場仍會保持一貫主攻式踢法，希望可以喺FC東京身上取得入波。另外蔚山現代球員對於FC東京唔會太陌生，事關日本國腳家長昭博及巴西前鋒路爾斯馬蘭夏奧，以前都効力過日本球隊，相信有助球隊尋找FC東京後防漏洞。

FC東京一樣有強大入球能力，最近一場分組賽就以4比2擊敗布里斯班獅吼，4月中又以3球淨勝FC北京。雖然話今場係作客，但以FC東京嘅質素，絕對有能力與主隊鬥攻，毋須縮後打防守咁被動。雙方於分組賽首循環打成2比2平手，今次再度對決入球應唔少，大盤可捧。

較後時間舉行嘅一場沙特阿拉伯伊蒂哈德主場對卡塔爾多哈艾阿拉比，預計開出「讓球主勝」的機會極高。事關伊蒂哈德已穩奪B組首名，計實力可謂超晒班。今次對住分組賽5連敗嘅多哈艾阿拉比，伊隊雖然讓波，但仍望可在主場大炒對手。
恒大勝武里南聯 首名出線

另外，昨晚H組最後一輪賽事，FC廣州（廣州恒大）憑郜林打開紀錄，以及達里奧干卡最後一分鐘射入12碼，作客以2比1險勝泰國球隊武里南聯，取得小組首名出線資格。同組日本球隊柏雷素爾作客以2比0力挫南韓球隊全北汽車，以次名資格出線。