車路士留力歐聯讓唔起

猪拉多纳

英超今個禮拜去到煞科戰，玩埋今輪，我哋班賭波業人士都可以輕鬆番多少，事關英超波一向都係投X人至愛，冇咗英超，大家投X意欲都會減低。不過，今年暑假仲有歐國盃等住大家，聽班莊家、艇仔講，佢哋都唔知今年有冇暑假放，想去吓旅行都難。

踢完上輪英超，布力般流浪就繼狼隊之後，成為第2支降班球隊。尋日有報道話原來布力般位行政總裁喺舊年暑假就曾經寫咗封超過2,500字嘅密函畀球隊嘅印度班主，提醒佢班波目前形勢危急，再唔換領隊就勢必會降班，可惜封信最後石沉大海冇回音，家陣布力般降班都算咎由自取。
小心曼城贏波輸盤

雖然話布力般下季要英冠再見，不過今輪佢哋出訪車仔受讓球半，阿水就收到風，莊家唔怕收上盤飛，皆因佢哋睇死車仔輸完畀利物浦，根本喺英超就無心戀戰，等住踢歐聯。今鋪車仔讓波多真係要唔過。至於曼城對昆士柏流浪之戰，主隊雖然係非勝不可，但會唔會大捷就難講，同樣要小心贏波輸盤。
車路士Vs布力般流浪 對賽往績

2011.11.05 英超 布力般流浪0:1車路士 車讓1/1.5 下盤

2011.01.15 英超 車路士2:0布力般流浪 車讓1.5/2 上盤

2010.10.30 英超 布力般流浪1:2車路士 車讓1/1/5 下盤
曼城Vs昆士柏流浪 對賽往績

2011.11.06 英 超 昆士柏流浪2:3曼  城 曼讓1/1.5 下盤

2003.10.29 英聯盃 昆士柏流浪0:3曼  城 曼讓半一 上盤