韋斯咸超班再下一「城」

猪拉多纳

07/05/2012
文： 朱楓

今晚英冠附加賽爆發4強次回合，由韋斯咸主場對卡迪夫城。「錘仔幫」上場作客都佔盡優勢，今仗返番自己地頭面對焗攻但又唔齊腳嘅「藍鳥」，隨時搵到更多着數，1.57倍主勝值得熱捧！（now638台周一晚11：30直播）


首回合韋斯咸作客卡城本來被指係五五波，點知韋斯咸最後憑哥利臣梅開二度贏2：0，據講如果唔係卡城門將大衞馬素爾上身左飛右撲，「錘仔幫」肯定唔止贏咁少。賽後韋斯咸助教尼爾麥當奴大讚球隊家陣喺青訓同經驗平衡方面做得好出色，直上英超在望。事實上，「錘仔幫」目前人腳超晒班，只要發揮一貫水準，今晚再贏真係唔難。

卡城焗攻貪勝不知輸

雖然首回合落後兩球，但卡城領隊馬基麥基賽前話對「藍鳥」出線未絕望，仲話韋斯咸領先2：0係一個好危險嘅處境，結果被尼爾麥當奴反寸唔通先落後0：2先有利！賽前馬基麥基話今場可唔可以創造奇迹，關鍵係要盡早先入1球，睇嚟一開波就會狂攻，但不幸嘅係佢哋位右閘麥諾頓今晚因傷極大機會缺陣，朱楓真係驚「藍鳥」未入波，後防就率先崩潰囉！　


首回合：韋客勝2：0


英冠附加賽賽制：


聯賽第3名對第6名及第4名對第5名，採兩回合主客制，不設作客入球優惠，兩回合計打和將於次回合法定時間後加時30分鐘，再和則互射12碼決勝。