錫耶納主場做細界

猪拉多纳

29/04/2012
文： 鄭少偉

意甲嚟到最後直路，戰情相當刺激！兩支榜首球隊祖雲達斯同AC米蘭，喺周中同樣幾經辛苦先險勝對手全取3分。AC米蘭今晚就會作客聯賽中游分子錫耶納，相信又會係一場攻防大戰，以AC近排嘅表現，敲1.92倍「入球細」穩陣啲。（now633及660台周日晚9：00直播）


如果各位球迷有留意AC米蘭近幾場比賽，應該都會覺得好「忟」！大佬呀，你話晒都係班霸，隊隊波對住你哋都肯定死守o架啦，教練阿里基好似冇諗過點樣撕破對手嘅密集防線，明知人哋會屯重兵喺中路，仲由得伊巴謙莫域同羅賓奴喺中間攻入去，入到波就奇啦！

蒙達利頻頻浪射

仲有呀，中場蒙達利畀親波都失，一係攞住個波離門幾十碼走去浪射，再睇埋啲罰球角球，全部都好似冇練過咁，唔忟就假囉！條路咁易捉，今晚錫耶納實擺定個鐵桶陣任你攻，「紅黑軍團」仲依然故我咁踢嘅話，真係咪使旨意可以做「大」騷！