祖記「讓球客勝」嗒糖

猪拉多纳

29/04/2012
文： 巨高

聯賽七連捷球隊祖雲達斯，本周日作客尾二球隊路華拿。祖雲達斯繼早前與吉普汽車簽定主場球衣胸口贊助之後，最近又與糖果公司Balocco 續約作客球衣胸口贊助。正所謂人逢喜事精神爽，相信利好消息對於球隊爭取聯賽八連捷必有幫助。既然對手路華拿實力較弱，祖雲達斯應可輕對手，捧「讓球客勝」。（now 632周日晚9時直播）


今場屬於同區打吡戰，相信都靈市一哥祖雲達斯都希望贏波威威。一來要贏面子，二來球隊仍為聯賽冠軍要努力，三分可謂志在必得。仲有，今場祖雲達斯因作客關係，極有可能穿起印有Balocco字樣嘅粉紅色球衣。雙方剛剛先至簽署新贊助合約，無理由要令尊貴客戶失威。

加操誓炒路華拿

另外，祖雲達斯為好好準備今場比賽，教練干地特登安排所有球員於星期五加操。干地表示未來四場聯賽都當正決賽咁踢，絕對唔會因對手排名低而放軟手腳，總之一日獎盃未到手都唔會放鬆。況且今場祖雲達斯再贏的話，就會打破意甲最長單季不敗紀錄，一場咁有意義嘅比賽，祖雲達斯勢必大炒對手。

AC啞火吼細盤

次席AC米蘭作客錫耶納，AC球員年齡偏高，踏入季尾明顯出現疲態，近七場賽事單仗未試過入超過一球，前鋒伊巴謙莫域產量大減，情況唔樂觀，今場即使贏亦小勝居多，客W1.45倍偏熱唔抵玩，寧揀1.92倍入球細。（now 633及660周日晚9時直播）