五隊只能活三隊

猪拉多纳

28/04/2012

英超護級五隊只能活三隊，狼隊已經降班，第十五至十九球隊相差五分，當中以尾二布力般流浪形勢最差，佢哋落後尾四韋根三分，餘下三輪要作客倫敦雙雄熱刺同車路士，非常難踢，尾二嗰場喺主場同韋根上演護級生死戰，若然贏唔到睇怕都難逃厄運。


尾五昆士柏流浪餘下三輪其中兩場作客車路士同曼城，都係九死一生格局，剩番倒數第二場主場對史篤城有機會搶分，屬降班高危球隊。尾三保頓比起其他護級對手少賽一場，餘下四輪對手有三隊都係風流球隊，應有機會逃出生天。另外，韋根季尾當弗，而且最後一輪主場對住已降班嘅狼隊，形勢唔差，排喺第十五位嘅阿士東維拉勝領先尾三保頓三分，加上球差較佳，上岸機會仍然樂觀。