曼城殺「狼」冇留手

猪拉多纳

22/04/2012
文： 阿占

阿占細個最鍾意睇《倚天屠龍記》，成日幻想有倚天劍同屠龍刀可以號令天下，最近睇曼城嘅阿古路同泰維斯，就有好強烈「倚天屠龍」嘅感覺，文仙尼拎住呢兩把寶刀寶劍真係可以打遍英超無敵手，今晚曼城作客弱旅狼隊肯定「殺破狼」，為爭冠軍幾多都有得贏，1.54倍「讓球客勝」幾大都要捧場！（有線200及300、廣東體育周日晚11：00直播）


自從「腦殘」巴洛迪利坐波監後，曼城主帥文仙尼就重新起用泰維斯做正選，點知效果竟然出奇咁好，佢同阿古路呢對「阿根廷孖寶」近兩仗就包辦咗8個入波，「藍月亮」亦連炒西布朗同諾域治，戰績不跌反升，繼續喺爭標路上直逼曼聯。


雖然文帥賽前大發牢騷，話英超球證執法唔多公平，對曼聯同曼城嘅「吹雞」尺度不一，不過「藍月亮」首先都要做好自己本分，嚟緊每場都要贏波先有機會捧盃，今場對住實力爭幾班嘅狼隊試問點會留手？

狼隊史提芬費查傳跳船

曼城要爭標，排包尾嘅狼隊又何嘗唔係要為護級搏命，可惜呢班波實力同士氣都真係唔掂，上場打和新特蘭先至拎到近8場聯賽嘅第1分，之前就話有心無力啫，但踢到依家直頭令人覺得連護級鬥志都冇乜，傳聞主力前鋒史提芬費查已經準備今夏離隊，球員戰意跌到新低點，今場就算有主場之利，睇怕都頂唔到曼城幾耐，會被蹂躪一番。

頂占筍盤

曼城（讓球客勝）


有線球彩台主持 阿占

球彩電郵：soccer64@cabletv.com.hk

球彩專頁：http：//fb.com/icable64&#8231hone波熱線：1831678　

「快樂星期天」開放時間：周日晚9：00至周一凌晨1：30