圖盧茲近況曳里昂有計

猪拉多纳

18/04/2012
文： 自由恒

因上周六法國上演聯賽盃決賽，有兩場法甲延至今晚上演，圖盧茲主場迎戰里昂仲有直播，算係為歐聯4強戰開波前熱身。（now633台及廣東體育周四凌晨0：30直播）


各地聯賽去到尾聲，德甲就得番3輪，英冠就更只係踢剩兩輪，不過法甲就唔同，今晚出場嗰4隊仲有7場波要踢，變數仍有好多，就好似今晚作客出擊嘅里昂，雖然排喺第4，落後第3位嘅里爾6分，但只要踢好餘下比賽，仲有機會爭取來屆歐聯入場券。

里昂近4次作客贏3場

里昂剛戰於加時階段不敵馬賽，失落法國聯賽盃，但其實自歐聯出局之後，表現已經穩定咗好多，只係計法定時間的話，近8戰都未輸過，近4次作客更贏出3場，出戰圖盧茲可坐和望贏。


對手圖盧茲以50分排第7，只係少里昂3分，睇番佢哋近13次主場僅1敗嘅戰績，計數都一樣有資格爭入前3，不過佢哋近期喺主場擊敗嘅對手當中，歐塞爾、索察同卡昂全部都係護級分子，唔似有能力打低里昂，更何況佢哋聯賽連輸兩仗，狀態唔多似樣，唔嫌賠率低嘅話，可以考慮1.44倍「讓球客勝」，不過唔介意走盤的話，平手盤梗係撐客隊。


足球重心：里昂（平手）


馬膽推介：5場(3)威利旺旺

今晚大有機會喺傾盆大雨環境作賽，對「威利旺旺」呢類大長途放頭馬都幾有利，事實上此駒每逢季尾都大爆發，近期試閘亦見回勇，可以跟進。