阿德浦項歎細界

猪拉多纳

18/04/2012
文： Mic少

今日亞冠盃兩場直播賽事均來自E組，榜首大戰澳洲球隊阿德萊德聯主場對南韓球隊浦項制鐵，兩隊現時同得六分，領先另外兩支對手三分。既然雙方出線形勢都處於上風，今仗對壘難免會抱保守心態，最緊要唔好輸，甚至打和亦冇壞，預料入球數字唔會多，Mic少建議要入球細。


（now 671周三晚6時直播）


由於澳職常規賽三月尾已結束，阿德萊德聯冇份踢季後賽，佢哋對上一次踢正式賽事，已經係本月三日亞冠盃對浦項制鐵，當時小負○比一。阿軍今場返回自己地頭，無疑有地利優勢，但球隊缺乏比賽，球員攤抖太耐戰意及狀態或會受削，所以唔好期望佢哋能夠展開大報復。


事實上，阿德萊德聯屬於守強攻弱球隊，係今屆澳職常規賽入波最少嘅球隊，平均每場入唔夠一球，加上佢哋近八仗七次開細嘅走勢，細盤值得再追。


至於浦項制鐵狀態麻麻已輸兩場，好大程度因為韓職近期開快車，佢哋七日內踢三場聯賽，今仗仲要遠赴澳洲比賽，對球員體力影響好大，難惡出樣，今仗只要唔輸已經達標，應會採取穩健踢法。

賓約哥飛腳「大」駁火

同組烏茲別克球隊賓約哥主場對日本球隊大阪飛腳，情況剛好相反，兩隊都係得三分，打和只會益咗阿、浦二軍，所以今場冇得保留，一定豁出去求勝。大阪飛腳隊如其名，一向非常旺大，今季日職逾八成比賽開大，亞冠盃亦三戰二大，包括上輪同賓約哥合力炮製四個入球，今仗大盤可取。（now 671周三晚8時直播）