同个世界 渡江无敌

猪拉多纳

　　如果阁下刚周日有入场或者睇住电视机，去到尾场马匹行圈时，会听到一浪接一浪嘘声赠柏宝。无他嘅，全日冇马赢，热门跑到冇P计有「马皇帝」、「喜欣赏」及「傲闯」。寄望呢位老哥今日可反底成功，如果又嚟一期「白果水」，捧场客又多一壳眼泪。

　　第五场一班2200米。「同个世界」由上场打吡大赛，降格至谷草一班赛，完全係两回事。试问全场边度搵「阳明飞飞」、「甜橙」嘅级数对手。冇错！转到谷草出战，隻马识唔识跑唔清楚，冇人写包单。但係大摩有呢类安排，已经唔係今时今日，好多田草搏极唔赢之马，渡江而战真係搵到食。所以，佢有咁样安排，目的好清晰──但求赢！

　　第七场三班1650米。「渐信良驹」今季已取两W，成绩比起上季不遑多让，目前分数已经接近饱和点，好在用吴嘉晋，卸去十磅令竞争力犹在。而因为今场会有三两驹早段会带，此马较易守在中前位置，本身又唔係冇变化地能耐，赛事形势及场地皆有利。更何况，佢实有赔率畀大家博，热极有个谱，十倍八倍买WP博大堆。

　　第八场三班1800米。「阳光普照」上场赢得季内第4W，由前仗力擒「驌龙」，再到上场击退「驾翠」，並唔係符碌之作，4岁马的确係有幾大进步感。而目前仍留在三班角逐，然有机会再次一放而返。

资深评马人 陈华栋